Sudanese On Line
مرحب بك ونتمنى أن تشارك بالمنتدى حتى تفيد وتستفيد - يُمكنكم الكتابه مباشرةً و بدون طلب عضويه أو أي شروط ونــُرحب بالاسماء الحركيه فالمنتدى لمناقشة الأفكار وليس للتعارف والغزل - مرحباً بك أيضاً في مواقعنا:-
www.kefayh.com


دار الشعب السوداني - منتديات السودانيين
 
الرئيسيةالتسجيلدخول

إرسال موضوع جديد   إرسال مساهمة في موضوعشاطر | 
 

 البوست دا للناس المحبطة مثلى المهم خلونى ابدا ليكم

اذهب الى الأسفل 
كاتب الموضوعرسالة
اميرة عبدالله
زائر



مُساهمةموضوع: البوست دا للناس المحبطة مثلى المهم خلونى ابدا ليكم   الإثنين يناير 15, 2018 7:36 pm



السلام عليكم ورحمة الله وبركاته

اليوم وعلى غير العادة صحيت بدرى جدا والحماس مالينى خالص والسبب الاهم لخروجى لكى اعلم ماذا يدور فى الشارع واستعدادهم ليوم غدا المهم دخلت المطبخ بدرى جدا وانجزتا كل مهامى من طبخ وخلافه ، وبعدها ههمت بالخروج وقررت بان اسلك الطرق التى بها تجمعات واقصد منطقتى تحديدا والى ان اصل للمكان الذى اريد ان اذهب له يعنى كنتا حابة اصيد عصورفين بحجر واحد منها اقضى غرضى وبعدها اعلم ماذا يدور فى الشارع وانفعال الشعب مع احداث غدا
وقررت بان اقطع بعض المسافات البعيدة والتى بها عدد من الجمهور وقد كان وصلت شارع البحر وموقف والله لاول مرة فى حياتى افعله وقفت وبدات اخوض فى بعض الكلام مع من كانوا يجلسون بجانب اماكن بيع ابواب الحديد وبالقرب منهم بنشر وحلاق ومكان لبيع الحلويات وبدات بالحديث معهم وقد تفاجات عندما علمت بانهم لا يعلمون حتى ماذا يحدث وفيهم شخص اضحكنى كثيرا، قال لى المسيرة دى وين؟ قلت ليهو فى الخرطوم ولكن ربما تستجد بعض الامور ومحتمل انكم تتطلعوا فى منطقتكم يعنى بدات افهمه باسلوب براحة وهاديء لكى يفهمنى وفى الاخر ختم كلامه بمزحة وقال لى المسيرة كانوا جابوها لينا فى امدرمان بنطلع وهنا فى البحر عشان تكون قريبة مننا وما نتعب ..المهم هم ناس بسيطين وحتى فهمهم بسيط ضحكت وذهبتا لمكان اقرب فى نفس المنطقة وكان هو هو نفس الرد لا يعلمون ماذا يحدث وغير ملمين باى شئ والمحزن فيهم ناس متعلمة وواعية وفاهمة والكارثة ردهم كان ، نطلع ليه وعشان شنو والحا يتغير شنو؟ فيهم من قال الافضل لنا البشير لاعتقادهم بان من ياتى سيقوم بالنهب من جديد لذلك كان رايهم بان يبقى البشير
وبعدها واصلت طريقى وقابلت كمية من الناس وسالت من كانوا قريبين منى وعلمت من الفالبية بانهم لا يعلمون ولا يعرفون ماذا هناك يوم غدا
والادهى والامر الغالبية منهم يرددون بصوت واحد البشير احسن لينا !
والله اقولها والحزن مالينى وعلى عينى ، ما لمسته اليوم غير مشجع شباب بائس يجتمعون حول امراة تشوى اللحم ويشربون فى السم الهارى السجائر وكبابى القهوة والشاى مرمية امامهم ، جيل متعفن والرجاء مفقود فيهم
والله اقترح على وزارة التربية والتعليم ان تنظر فى منهجها وتكون فى مادة عن الوطن وحب الوطن يدرس من ضمن المواد الاخرى !

خساااااارة يا بلد
والتاريخ التحت ادناه 👇 لمن يحملون هم الوطن ربنا يوفقهم فى فى مسيرتهم غدا وبها تكون بداية الخلاص من حكم خبيث كاذب اضاع بلد وشعبها بالكامل
حتى ولو خرج القليل منهم فى النهاية عايزين صوتنا يصلهم وانهم اصبحوا غير مرحبين بهم وعليهم تسليم البلد..
غدا كونوا الصمود

16/1/2018

الرجوع الى أعلى الصفحة اذهب الى الأسفل
 
البوست دا للناس المحبطة مثلى المهم خلونى ابدا ليكم
الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
Sudanese On Line :: الفئة الأولى :: المنبر الحُر - منبر حركة كفايه السودانيه مفتوح للكتابه بدون تسجيل أو رقيب أو حسيب-
إرسال موضوع جديد   إرسال مساهمة في موضوعانتقل الى: